球會資料
外號:小屋
成立年份:1879年
主場:卡雲小屋球場
主席:法耶茲
領隊:鶴臣
上季排名:第7位
     
  鶴臣無為而治發熱發亮

 
  富咸於○八至○九年度過一個美妙球季,以第七名過終點取得新季歐洲賽資格。喺鶴臣帶領下,球員顯得信心十足,新季必會發熱發亮,繼續向前進發。

冇名氣落場冇壓力

富咸球員名氣唔算太響亮,身價亦比起Big4成員差好遠。就係呢兩個原因,令球員喺場上比賽根本冇壓力。而領隊鶴臣當然知道球員有幾多料,所以唔敢向球員要求太多。呢種無為而治、順其自然嘅管理方法,令到富咸交出近年最佳成績。唔止主場賽事交到貨,對住弱旅亦多數冇失拖。

年紀偏大輸體力

富咸球員平均年紀偏高,好似尼維蘭、梅菲及舒華沙等主力都超過三十歲。英超賽期頻繁,幾乎每個星期砌足兩場,究竟班主力捱唔捱得住呢。特別係富咸要出戰歐霸盃,對球員體力需求就更大。而體力不足,往往就係球隊表現走樣嘅主要原因。

應付歐戰須添兵

唔敢擔保富咸可以再次以第七名甚至更高名次完成聯賽,但要求佢哋企喺中游位置則唔係難事。講到尾球隊都要應付歐洲賽,而且上季嘅好成績亦令球員構成多少心理壓力。希望富咸老闆可以「科水」添置新球員,有多幾個後備替換,點都好過踢殘班主力成員,即管睇吓富咸喺暑期有冇買人舉動啦。